അടുത്തവീട്ടിലെ
പൂച്ചയെ കാണാനില്ല
മെല്ലിച്ച
ആ സിറിയൻ സ്ത്രീ
അതിനെ പേര് ചൊല്ലി
വിളിച്ചു നടക്കാൻ തുടങ്ങിയിട്ട്
കുറച്ചു ദിവസമായി.

ഇന്നലെ മുതൽ
അനക്കമൊന്നുമില്ല,
ആ പൂച്ച തിരിച്ചു വന്നിട്ടുണ്ടാകുമോ ?
ചോദിക്കണം എന്നുണ്ട്‌
യുദ്ധത്തിൽ മരിച്ച മകന്റെ
പേരാണാ പൂച്ചക്കെന്നു
ഇന്നാരോ
പറയുന്നത് കേട്ടു..

വന്നിട്ടുണ്ടാവും...
എന്നിട്ടും, എന്തിനാണ്
ഞാനാണ്
ആ പൂച്ചയെന്നു
തോന്നി കൊണ്ടിരിക്കുന്നത് .....?