I bury an endless wail

In the abyss of my soul
I bet, it will sprout, bear fruits...
And blossom in riots.
That's when I'll wreak vengeance on spring,
Etching your name on each and every leaf...

ഒരിക്കലും നിലക്കാത്തോരു
നിലവിളി
നെഞ്ചിൽ കുഴിച്ചിടുന്നു ..

ഇതു കായ്ക്കും
മരമാകും ,
പൂക്കും
അന്നെല്ലാ ഇലകളിലും
നിന്റെ
പേരെഴുതി
വസന്തത്തോട്
ഞാൻ പകരം ചോദിക്കും ...

Translated By : Karun Akar 

ഞാൻ യഹൂദയിലെ
അതേ പാട്ടുകാരൻ,
ഒറ്റുകാർ മടക്കി തന്ന
നാണയത്തുട്ടുകൾ
കൊണ്ട്‌ ...
മുറിവുകളുടെ
വസന്തം വാങ്ങിയവൻ ..

വരൂ

ഈ അത്താഴത്തിന്റെ രാത്രിയിൽ
നിനക്കു ഞാനെന്റെ
മുറിവുകൾ
കാട്ടിത്തരാം ..
നിലാവിറങ്ങിപ്പോയ
ഈ

തെരുവിന്റെ ആത്മാവിനു
നിന്റെ മണമാണെന്ന്
ഞാൻ അവരോട്

പറഞ്ഞിട്ടുണ്ട് ....

മൂന്നു മുറിവുകളുമായി
അവനൊരു രാത്രി
എന്റെ മുറ്റത്തു വന്നു ,
ബുറണ്ടിയിലെ മലനിരകളില്‍
നിന്ന് കേൾക്കുന്ന ...
വിചിത്രമായ ശബ്ദങ്ങൾ പോലെ
കനമുള്ളതായിരുന്നു
അവന്റെ നിലവിളികൾ..

ആരോ പിന്തുടരുന്നുണ്ടെന്നും
രാത്രിയെ ഭയമാണെന്നും
അവനെന്റെ അമ്മയോട്
പറയുന്നുണ്ടായിരുന്നു..

എന്തോർത്തിട്ടാണോ എന്നറിയില്ല
ആദ്യമായി അന്നു രാത്രിയിൽ
അമ്മ പട്ടികളെ
തുറന്നു വിട്ടില്ല,
ആടുകളെ ഒക്കെയും
കെട്ടഴിച്ചു വിട്ടു
വാതിലുകളെല്ലാം തുറന്നുമിട്ടു .....

ഞങ്ങൾ കുറേനേരം
ആകാശം നോക്കി കിടന്നു
ഒരു നക്ഷത്രം പോലുമില്ലാത്ത രാത്രിയിൽ
അവനാ പാട്ടുപാടി
കുന്നിറങ്ങി വന്ന
ആ പതിനഞ്ച് പേർക്കൊപ്പം
അവരുടെ പാട്ടായി
അവനിറങ്ങി പോയി..

ഞാനിന്നിവിടെ തനിയെ
ആകാശം നോക്കി കിടക്കുന്നു,
നീയെവിടെയാണ്

മറന്നുപോയൊരു
അത്താഴത്തിന്റ രാത്രിയിൽ
നീയെനിക്കു പകർന്നുതന്ന
വീഞ്ഞു കോപ്പയിൽ
ഞാൻ എന്നെ ...
കണ്ടെത്തുമ്പോൾ
ഏതോ ഗ്രാമത്തിൽനിന്നു
കുട്ടനിറയെ ഓറഞ്ചുമായി
വഴിയരികിൽ,
വരാനിരിക്കുന്ന
ആരെയോ കാത്തുനിൽക്കുന്ന
കുട്ടിയായിരുന്നു ഞാൻ..

ഇസ്താംമ്പൂളിൽ

പകല്സതമിക്കുമ്പോൾ
ഇന്നു ഞാൻ
നിന്നെയോർക്കുന്നു..
നാണയത്തുട്ടുകൾക്കു വേണ്ടി
പാടുന്ന
റെഡ് ഇന്ത്യൻ വസ്ത്രമണിഞ്ഞ
പാട്ടുകാരോട്
ഒരാൾ ഉറക്കെ
പറയുന്നുണ്ടായിരുന്നു
പ്ലീസ്‌ സിങ് ഫോർ മൈ സോൾ ....

യുദ്ധത്തില്‍
മരിച്ച കുട്ടികള്‍
അമ്മമാരുടെ
ചുരത്താതെപോയ മുലകള്‍,

പ്രാവുകള്‍ .....

ഒലിവിലകളാല്‍ അലങ്കരിച്ച
സമാധാന സന്ദേശങ്ങൾ
കുത്തിനിറച്ച
കവചിത വാഹനം..
അവരുടെ വീട്ടിലെ
പട്ടം പറത്തുന്ന കുട്ടികള്‍

പൂമ്പാറ്റകള്‍ .....

നിനക്ക് സുഖമാണോ ?
എവിടെയാണ്?
എന്തെടുക്കുന്നു ?
എന്നാണു വരുന്നത് ?
നീ ഇതൊന്നും ചോദിച്ചിട്ടില്ല
ചോദിച്ചതിത്ര മാത്രം

നീ വല്ലതും കഴിച്ചോ ??

ഈ
രാത്രിയോട് ഞാൻ
എന്തിനു കലഹിക്കണം ?
നക്ഷത്രങ്ങൾ ഊതിക്കെടുത്തി
പിന്നലൊളിപ്പിക്കാൻ
നീ വരും
എന്നൊക്കെ ഞാൻ
വെറുതെ കള്ളം
പറഞ്ഞതാണു,

ഈ രാത്രിയും കടന്നു പോകും
നാളെയും ഞാൻ നിന്നെയോർക്കും
അവസാന അത്താഴത്തിന്റെ രാത്രിയിൽ
ആ നെറ്റിയിലെ ചുംബനം
എന്റെ സ്നേഹമായിരുന്നു

നീ കേൾക്കുന്നുണ്ടോ
തോറ്റു പോയവർ പാടുന്ന
പാട്ടാകണം നമുക്ക് ............