Sunday, May 7, 2017

ആത്മഹത്യ ചെയ്ത
കൂട്ടുകാരിക്കയച്ച
കത്ത് ഇന്നലെ
തിരിച്ചു വന്നു,
അവനും മരിച്ചുപോയെന്ന് 
പറഞ്ഞു
പോസ്റ്റ്മാനത്
തിരിച്ചു കൊടുത്തു വിട്ടു


അയാള്‍ക്കത് തുറക്കാം
വായിക്കാം
അല്ലാതെയും ഇരിക്കാം,
കീറികളയാം,
വള്ളമോ
വിമാനമോ ഉണ്ടാക്കാം,
മേശ തുടക്കാം,
എവിടെ എങ്കിലും മറന്നു വെക്കാം,
മറ്റാര്‍ക്കെങ്കിലും മാറി കൊടുക്കാം
വിറകോ
ബീഡിയോ കത്തിക്കാം,
വായിലെ ബബിള്‍ഗമോ
മുറുക്കാനോ പൊതിഞ്ഞു
ദൂരെ എറിയാം

ഞാനിപ്പോള്‍
അതോര്‍ത്തിരിക്കുന്നു
വെറുതെ
വല്ലാതെ ബോറഡിക്കുന്നു.....

No comments:

Post a Comment

ആത്മഹത്യ ചെയ്ത കൂട്ടുകാരിക്കയച്ച കത്ത് ഇന്നലെ തിരിച്ചു വന്നു, അവനും മരിച്ചുപോയെന്ന്  പറഞ്ഞു പോസ്റ്റ്മാനത് തിരിച്ചു കൊടുത്തു വിട്ടു ...