Monday, February 3, 2014

എത്ര നേരമായി


എത്ര നേരമായി
ഞാന്‍ ഇങ്ങനെ
ഒറ്റക്ക്
ഒറ്റക്ക് ,
കൊതി കുത്തി
കണ്ണ് ചുമക്കുമ്പോള്‍
ഇനിയും
സ്വപ്നത്തില്‍ പോലും
എനിക്ക് കടക്കാന്‍ കഴിയാത്ത
കാവിന്‍ മറ പറ്റി
എന്നിലേക്ക്‌
കറുത്ത ഉമ്മകള്‍
ഒളിച്ചു കടത്തും
തെമ്മാടി..
രാത്രിയില്‍ വിളിച്ചുണര്‍ത്തി
കൈ വെള്ളയിലൊരു
മിന്നാമിനുങ്ങിനെ
കൂട്ട് തന്നു പോയിരുന്നവന്‍,..
ദൈവത്തിനു
കൊടുക്കാന്‍ വെച്ച
കൈക്കൂലി
പിടിച്ചു വാങ്ങി
പകരം
ദിനേശ് ബീഡിയില്‍
പുകയില്‍ വളയം
തീര്‍ത്തവന്‍
ചിരിപ്പിച്ചവന്‍..


ഇരുട്ടാകുന്നു
രാത്രി നിന്നെ
മണക്കുന്നു
സ്വപനത്തില്‍ എങ്കിലും
എനിക്കൊരു
മിന്നാമിനുങ്ങിനെ
കൂട്ടിനു
തന്നേച്ചു പോകുക .........

2 comments:


  1. എത്ര പെട്ടെന്നാണ് നമ്മൾ ഒറ്റയാവുന്നത്

    ReplyDelete

ആത്മഹത്യ ചെയ്ത കൂട്ടുകാരിക്കയച്ച കത്ത് ഇന്നലെ തിരിച്ചു വന്നു, അവനും മരിച്ചുപോയെന്ന്  പറഞ്ഞു പോസ്റ്റ്മാനത് തിരിച്ചു കൊടുത്തു വിട്ടു ...