Wednesday, January 1, 2014

വിലക്ക് വാങ്ങിയ ഉമ്മകള്‍ 

ഇനിയും നടന്നു തീരാത്ത
കോളേജിലെ ഇടനാഴികളില്‍
മുദ്രാവാക്യങ്ങള്‍
കരഞ്ഞുറങ്ങുന്ന
ചവിട്ടുപടികളില്‍,
നീ തന്ന ആശംസാ കാര്‍ഡുകളില്‍,
സന്ദേശങ്ങളില്‍,
ഇന്നും നിന്‍റെ ചുംബനങ്ങള്‍
മണക്കുമ്പോള്‍
ഗാന്ധി തലകൊണ്ട് ,
രാത്രിയില്‍ പൂത്ത
ഏതോ വസന്തത്തോട്‌,
ഇന്ന്‍
കുറച്ചു ചുംബനങ്ങള്‍
വിലക്ക് വാങ്ങുന്നു.

ചുംബനങ്ങളില്‍
ചോര മണക്കുന്നു
പാതി മുറിഞ്ഞ ചുംബനത്തില്‍
നിന്നു ഇറങ്ങി നടക്കുന്നു...
ഇരുട്ടില്‍
പ്രണയത്തിന്റെ
ബലിക്കാക്കകള്‍
കൂകി വിളിക്കുന്നു...

നീയറിയുക,
പ്രിയേ ...
കെട്ടിഞ്ഞാന്നു
മരിക്കാന്‍
മുപ്പതു വെള്ളിക്കാശു
വിലയിട്ടു
എന്നെത്തന്നെ ,
ജീവിതത്തിനു
ഈ ചുംബനത്താല്‍
ഞാനിന്നു
ഒറ്റികൊടുത്തു......

No comments:

Post a Comment

ആത്മഹത്യ ചെയ്ത കൂട്ടുകാരിക്കയച്ച കത്ത് ഇന്നലെ തിരിച്ചു വന്നു, അവനും മരിച്ചുപോയെന്ന്  പറഞ്ഞു പോസ്റ്റ്മാനത് തിരിച്ചു കൊടുത്തു വിട്ടു ...